ꨝꨴꨲꨩꩀꨨꨪꩅꨓꨚꨯꨱꩂꨯꨗꨱꩂ꩓ꨤꨩꨟꨲꨕꨴꨌꩌ ꨎꨳꨮꩃꨝꨴꨲꨩꩀꨨꨪꩅꨚꩀꨧꨩꨔꨩꩆꨕꨲꨩꩅꨀꨩꨟꨯꨣꨪꩀꨆꨲꩃꨚꨚꨴꨯꨱꩃꨟꨊꨯꨱꩀꨕꨤꩌꨝꨴꨲꨩꩀꨨꨪꩅꨈꨝꨩꩄꨟꨩꨈꨴꨲ
ꨕꩀꨟꨩꨕꨩꨕꨯꨱꩀꨟꨩꨤꨩꨝꨴꨲꨩꩀꨗꨯꨮꨢꨯꨮꨡꨰ ꨀꨩꨓꨲꨮ ꨀꨲꨈꨩꨠꨩꨤꨵꨬꨨꨩꨧꨩꨂ ꨋꩇꨢꨲꨮꨝꩉꨝꨴꨬꨨꨲꨚꨲꩀꨚꨵꨬꨌꩌ
ꨀꨩꨓꨲꨮꨂꨣꩃꨆꨲꩃꨇꨮꩃꨔꨲꨮ ꨟꩃꨣꨮꩂꨌꩌꨕꨯꨱꩀꨗꨩꨈꩉꨆꩌꨝꨲꩀꨎꨳꨩ꩞ ꨝꨴꨲꨩꩀꨨꨪꩅꨗꨫ ꨐꨲꨕꨯꨱꩀꨝꨩꨝꨴꨬ
ꨆꨩꨀꨩꨗꨩꩀꨌꩌꨚꩀꨚꨲꩀꨚꨵꨬꨣꨩꨤꨯꨕꨤꩌꨗꨩꨈꩉꨆꩌꨝꨲꨎꨳꨩꨗꨫꨟꩃꨣꨮꩂꨝꩃꨧꨩ ꨨꨯꨱꩃ꩓ꨤꨩꨟꨲꨌꩌ ꨚꨴꨯꨱꩃꨚꨝꨪꩍ꩞
ꨧꨪꨝꨳꩀꨎꨮꩍ ꨀꨩꨗꨩꩀꨌꩌꨝꨪꩍꨔꨲꨮꨎꨮꩍ ꨟꩃꨟꨩꨢꨰꨧꨯꨱꩃꨚꩃꨧꨌꩌ
ꨓꩀꨟꩃꨐꨲꨨꨲꨎꨳꨮꩃꨟꨰꨕꨤꩌꨚꨲꩀꨚꨵꨬꨐꨲꨟꨰ꩞
ꨝꨯꨱꩀꨨꨩꨈꨯꩀꨆꨲꩃꨝꨴꨲꨩꩀꨨꨪꩅꨓꨚꨯꨱꩂꨗꨯꨱꩂꨕꨴꨌꩌꨨꨫꨝꨩꨝꨴꨬꨆꨩ ꨀꨩꨗꨩꩀꨌꩌꨈꨩꩄ
ꨚꨓꨯꨱꨝꨪꩍꨀꨩꨗꨩꩀꨌꩌꨝꨴꨬꨓꨴꨲꩍꨣꨵꩀꨨꨯꨱꩃꨚꨶꨮꩄ ꨀꨩꨇꩉꨌꩌꨝꨴꨬꨐꨲꨒꩇꨕꨘꩇꨕꩇꨚꩀꨝꩃꨧꨩꨌꩌ꩞
ꨝꨴꨬꨔꨲꨮꨨꨰꨈꨩꩄꨤꨩꩄ ꨌꩌꨟꨰꨕꨯꨱꩀꨗꨩꨈꩉꨆꩌꨝꨲꨎꨳꨩꨗꨫꨟꩃꨤꨩ ꨥꨪꩀꨓꨪꩀꨟꨰꨎꨮꩍ꩞
ꨆꨯꨱꩆꨌꩌꨨꨲꨨꨩꨘꨵꨩꨧꨪꩁꨧꨩꨟꨰꨟꩃꨟꨩꨧꨴꨲꩍꨢꨲꨮꨆꨩꨝꩃꨧꨩ ꨣꨩꨤꨯꨣꨬꨟꨵꨪꩆ꩞ ꨆꨯꨱꩆꨌꩌꨨꨶꨮꩄꨌꨓꨮꩀ
ꨡꨳꩍꨓꩊꨝꨩꨈꩇꨚꨕꩇꨨꨩ ꨈꨰꩀꨆꨲꩃꨕꨴꨟꨲꩀꨆꨬꨎꨰꩀꨝꨪꩍꨟꩃꨀꨩꨗꨩꩀꨗꨰꩍꨧꨩꨠꩆꨨꨩꨕꨬ꩞ ꨧꨩ ꨥꨮꩀꨈꨩꩄ
ꨀꨩꨗꨩꩀꨌꩌꨕꨯꨱꩀꨟꨩꨤꨩꨓꨯꨱꩂꨓꩀꨟꩃꨆꨯꨱꩆꨆꨲꨟꨩꨣꨳꩍ
ꨆꨯꨱꩆꨚꨚꨵꨰꨝꨪꩍꨨꨩꨈꨯꩀꨚꩀꨌꩌꨎꨰꩀꨤꨪꨨꨳꨮꩀꨝꨪꩍꨟꩃꨆꨯꨱꩆꨌꩌ ꨕꩀꨟꨩꨕꨩꨂꨨꨲꨕꨯꨱꩀ꩞
ꨆꨯꨱꩆꨓꨲꨬꨈꨵꩃꨢꨲꨮꨆꨩꨟꨩꨓꨩꨟꨩꨘꨟꩃꨆꨯꨱꩆ ꨆꨲꨟꨩꨣꨳꩍ
ꨚꨲꩀꨚꨵꨬꨌꩌꨓꨯꨱꩃꨝꨪꩍꨟꨩꨗꨩꩂꨨꨲꨆꨵꨩꩀ ꨟꨩꨗꨩꩂꨈꨩꩄꨕꩉꨕꨤꩌ ꨤꨵꨲꩀꨨꨩꨈꨯꩀꨢꨲꨮꨆꨩꨓꨚꨲꩀ ꨣꨵꩀꨈꩉ
ꨨꨯꨱꩃꨕꨴꨀꩉꨣꨩꨤꨯꨆꨲꩃꨟꨲꩀ ꨂꩃꨨꨲꨟꨩꨚꨳꨮꩍꨝꨴꨬꨟꨰ ꨝꨵꨯꨱꩍꨟꩀꨨꨩꨕꨪꩇꨣꨲꨩꩇꨟꨵꨪꩆ꩞
ꨌꨤꨵꨶꨮꩈꨝꨴꨲꨩꩀ ꨨꨪꨘꨵꨩꨧꨪꨈꨧꨩꨣꨩꨤꨯꨟꨰ ꨓꩀꨕꨯꨱꩀꨨꨲꨚꨲꩀꨚꨵꨬꨌꩌꨟꨩꨗꨩꩂꨨꨲꨣꩁꨧꨩꨕꨴ
ꨟꨲꨩꩀꨆꨬꨆꨲꩃꨆꨱꩍꨢꨯꨱꨂꨝꨪꩍꨨꨲꨟꨰꨟꨩꨗꨩꩂ꩞ ꨝꨴꨲꨩꩀꨨꨪꩅꨗꨪꨨꨲꨚ
ꨓꨯꨱꨕꨴꨀꩉꨆꨲꩃꨤꨪꨝꨰꩍꨨꨩꨧꨪꩅꨨꨩꨧꨴꩀꨟꩀꨟꨰꨚꨓꨯꨱꨎꨳꨮꩃ
ꨨꨲꨣꨵꩀꨟꨩꨚꨳꨮꩍꨀꨩꨗꨩꩀꨌꩌꨧꨩꨠꩆꨨꨩꨕꨬ꩞